11月30日 14:50

【輪證下半Part】小時圖10線唔過 高槓桿熊偷位上

恒指今早低開8點後展轉發展，有升過見返綠燈，亦有跌過百點創年內新低，及至中午收市時算是力挽狂瀾；而比較在意的，仍然都係小時圖上嘅10線，事關目前小時圖上整條保歷加通道都見向下，指數同Slow STC(14.3)出現觸底機會較大，關鍵在於指數會用保歷加底線同10線向下行Swing，還是底線至中軸去行。

雖然喺11點至12點同埋依家1點15分下半場開出新一粒小時圖嘅燭出嚟之後，都未見到指數可以企穩於小時圖10線之上，再加上目前下方仍然有大量牛證街貨，按街貨、按技術指標都係比出隻淡倉，博指數再向下行收晒啲肥牛食到肚滿腸肥之後，睇下有無計出技術反彈。

奈何今日指數走勢實在太飄忽，莫講話五分鐘圖要速戰速決，連小時圖都有一種「你估我唔到」嘅走勢，方向未明，甚難出倉。

見指數於小時圖上唔過10線出隻淡倉真係合情合理，問題在於由依家1點19分見指數重新低走於17000點以下，但小時圖拉底線水平大約都係16900點，100點水位依家見五分鐘圖指數落到50線/保歷加通道底線，講好咗線要過、通道口要拓闊，咁指數先至再有空間向下運行，同時亦給予Slow STC(14.3)出超賣再超賣嘅條件。

恒指熊(61010)，收回價17386點，同現價有約377點差距，槓桿有約42.52倍為全場最高，呢隻熊亦係今日新上市所以未見有街貨。用到咁高槓桿嘅證，你知點做啦！

作者阿珊，以技術分析專心玩輪證，唔貪心，努力賺取我家肥貓罐罐。

作戰室免費試用，詳見專頁：https://bit.ly/3uixP4Y