2月1日 13:24

【輪證下半Part】條氣Chok住

今朝揀咗隻恒指牛(68089)，借小時圖10線企得到嘅話就出動，即日鮮目標睇住小時圖20線先。以今朝出文時間為10點17分計，如常的用10分鐘作為睇文時間的話，即於10點27分再睇返個走勢圖，以當時小時圖10線為15575點計，當時指數已經高過呢個位，戰友們已經率先開出好倉，(68089)亦都可以出動。

如常的以10分鐘作為買貨時間，即於10點30分至10點40分入隻(68089)的話，期內高低位見0.071元/0.062元，平均買入價為0.0665元。

睇返當時入貨嗰位，五分鐘圖上見Slow STC(14.3)兩線上到天花板，同時無啦啦向上高衝咗200點有多，都要問一問自己係咪高追咗(喺出貨前問得到自己嘅，呢個時侯可以喺注碼上稍作調整)，不過，似乎指數今日借小時圖出觸底嘅念力都好強，喺11點25分時恒指仲上到去15800點樓上，迫返近熊證街貨層，而喺小時圖上更有挑戰20線嘅企圖，可以午前最後都未見指數成功上破小時圖中軸，中午收市時見小時圖上影線出現，燭身仲要被壓低過埋條50線，的確有啲肉酸；而Slow STC(14.3)兩線仍然保持向上，(68089)證價見0.065元，比平均買入價低1.5格，捱得到嘅，又即管睇下下半場會係可以爬得返上去，還是11點至12點小時圖粒燭變身成為「射擊之星」，如是，(68089)亦都無得留低。

果然，呢粒「射擊之星」真係Shot咗恒指落去，下半場開市後見五分鐘圖上恒指有開始向下落並往保歷加通道底嘅嘅情況，而且指數愈落愈有之下，迫闊埋條保歷加通道，令到通道口拓闊。(68089)無得留低，以下半場開市後見指數下行而走(68089)的話，按期內高低位見0.066元/0.059元，平均走佬價為0.0625元，呢一趟平均輸4格或6.02%，雖然呢個仍然係可接受嘅蝕幅，只不過2月開局第一鋪見負數，條氣唔順嘛！

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰室免費試用：https://www.patreon.com/join/cbbcwar