1月31日 13:49

【輪證下半Part】15500點抖幾耐？

今朝無揀貨出嚟，因為都想等五分鐘圖嘅slow STC(14.3)可唔可以抽得返上去超買位時，先至偷到位出淡倉；而出淡倉嘅原因好簡單，只係指數再次靠近返牛證街貨層。

不過，今日指數似乎都好似無乜上行動力，上半場見Slow STC(14.3)最高都只係上到去5X/6X呢個位就回，連70最低要求嘅超買都唔到，又再向下行。以今日上半場低位見過15465點計，牛證首兩層街貨已經全數玩完，呢兩層夾埋有相當於464張期指，比例計又唔算好多，事關15300至15399點嗰度有成1491張期指，落得到過去嘅話，應該可以直接等農曆年之後先至再開工。

下半場開市之後見指數仍然保持一個低波幅嘅高度運行，午後見指數有再向15500點以下出發嘅，不過拉線畫量度線的話，都未算是確認得到穿線向下。

比多次日線圖，依家1點30分，恒指現報15506點，跌197點，點數計指數再次失守10線以下位置，而保歷加通道口收窄程度亦見減弱，Slow STC(14.3)亦見掉頭向下，睇嚟15300至15399點嘅重牛都難避劫數，關鍵在於指數係咩姿態向下再殺過落去啫。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰室免費試用：https://www.patreon.com/join/cbbcwar