3月5日 14:19
今朝揀咗隻恒指熊(50917)出嚟，目標就係想16200至16299點嗰層逾900張嘅第三層肥牛都收埋，出文嗰時已經見到指數向下叉到落去呢一層重貨，差啲連文都未出，大題就要改。按今朝策略見如果指數喺小時圖上確認低走於100線的話，就小注出場。
以今朝出文時間10點27分，如常用10分鐘作為睇文時間的話，即於10點37分再睇返個走勢圖，見指數當時已經落到去16200邊皮位置，同小時圖100線距離有成150點，差啲仲掂埋150線添。呢個位出隻(50917)位置一啲都唔靚，事關出呢隻淡倉嘅目標係為咗16200至16299點嗰層第三重貨牛，但當時一睇得返幾點水位唔夠，就可以全層收回；等多五分鐘即見16183點，確認全層收回晒添，線係過晒，的確係符合咗出貨策略，但同一時間目標亦都到埋，坦白講呢啲時間亦係戰友們收割位嚟嘅，再出隻(50917)只係再博指數向下吞埋16100至16199點嗰層過千張期指街貨嘅重區牛，但數數當時指數已經將首三層牛證全數收回，呢度已經有相當於1965張期指街貨，如果指數係要再向下殺落去嘅話，技術上將指數同Slow STC(14.3)抽一抽高返少少先再向下衝，件事嚟得比較「合理」。
的確，(50917)可以隨時變陣至以五分鐘圖嘅Slow STC(14.3)行Swing Trade可以，反正喺今朝篇文都講明(50917)係一隻比較高槓桿嘅熊證，用嚟做Day Trade比較好。如果係咁玩嘅話，喺今朝11點55分見Slow STC(14.3)兩線上到80以上超買水平，12點收市前Slow STC(14.3)已見%K線低走於%D線。再等到下半場1點開市返嚟之後，見Slow STC(14.3)兩線保持向下，(50917)借五分鐘圖行Swing的話，基本上係可以。
由11點55分起計見Slow STC(14.3)向下而出人隻(50917)，同樣的用10分鐘作為買入時間的話，按期內(50917)高低位做過0.059元/0.054元，平均買入價為0.0565元。
望望鍾依家1點9分，指數跌364點，報16231點，保歷加通道頂至底還好都仲有過百點，而指數剛剛亦向下行多兩步稍過五分鐘嘅中軸線，煩就煩在保歷加通道口收窄中，最理想梗係指數同Slow STC(14.3)都可以落返去保歷加底線/超賣水平，然後數下格仔，走隻(50917)算啦；小時圖啲線同恒指依家擺位有啲遠，既然變陣用咗五分鐘圖做Trade嘅話，就用返五分鐘圖啲線去做量度線啦，上方借10線好啦。
呢一注不會計入【月度報告】，因為今朝出文揀證度策略時無講到變陣借五分鐘圖的。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
