2月2日 13:49
半場計今日恒指高位做過15912點，只係輕輕踩到上第一層肥熊街貨層，即15900至15999點，但睇返成堆15900至15999點嘅熊，咪睇少呢12點，雖然只係將呢層裡面首四隻熊證收回咗，但呢四隻當中有三隻係儲咗有47%或以上街貨，都真係打走唔少貨。
然而，指數貫轍高位未見承接本色，指數向下回落到半日收市報15657點，升幅由最多見過300點樓上大幅收窄到升91點完半場，成交502億多啲，咁比起早兩三個月半日得400幾億成交算叫做有進步嘅。
至於今朝揀咗嘅恒指牛(68789)，本來計劃見五分鐘圖10線有支持的話，就博佢可以再上行去推返闊小時圖嘅保歷加通道，可惜呀，到線即過，隻牛仔又可以繼續坐埋一二邊先。而小時圖之前借咗1月30日嘅開市裂口底部(15896點)暫時計拉線的話，呢條線都守得幾強，見中午時段嘅小時圖，指數重新踩返住10/20線，同步保歷加通道口都未見拓闊，又要等等下晝呢兩條線守唔守得返個恒指。
仲有8日就到農曆新年，今年我就要低調處理，事關婆婆離世百日未過，全家人都要低調過日子。往年每逢年初二都會返婆婆屋企同佢拜年，很老土但每年都會向婆婆斟茶，由以前好講究的會用上新年先至出動嘅茶杯套裝，到後期簡化至用佢最愛嘅暖水壼每人添多幾啖水比佢(如果佢每一杯都飲晒嘅話，個肚一定好脹)，再等佢派利是。
每個人都有「殞落」嘅時限，似乎恒指都係，下半場開市之後指數向下再落，依家1點22分，指數最低夠膽死見15564點，以2點之差補返今朝個開市裂口，嘿，想點？唔通坊間話今次上望16180點嘅高位你決定連16000點都唔比掂？係先好，咪借啲二用小時圖條「小型上升通道」踩底又兜返上去。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
