1月23日 14:52
今朝絕對係一個消息市，一分鐘圖上見「大陽燭」出現，令到慣咗彈高熊嘅淡倉一片哀鳴，唔緊要嘅，消息市係Out of 技術分析同基本分析兩大派所用開嘅睇市/揀股策略，失手絕對係非戰之罪，可以傷心但唔可以灰心，抖一抖先處理好心情先，之後再重新摸返個市嘅走勢；我都唔會只贏不輸，話比你知佢係長勝長軍嘅話，你更加要小心啲佢。
今朝早揀咗隻恒指牛(67116)出嚟，純綷用返小時圖，皆因今朝揀嘅時侯見保歷加底線打橫，增加指數同Slow STC(14.3)出觸底嘅機會。按今朝出文時間為10點25分，如常的用返10分鐘去睇文的話，即10點35分時再睇返恒指走勢圖，見小時圖仍然處於中軸之上，而喺五分鐘圖上所見，指數上到日內高位，整條保歷加通道向上運行，Slow STC(14.3)同指數愈嚟愈有機出觸頂，再加上消息推高指數，嚟到升506點呢啲咁痴線嘅幅度，安全嘅(67116)可以選擇等。
等咗五分鐘已經見到指數於五分鐘圖上出咗爭三點嘅「平頂」，同步Slow STC(14.3)兩線向下，小時圖亦出現長長嘅上影線。直至11點，恒指升幅收窄返之後，喺小時圖上見11點出嗰粒新嘅燭依然可以咬得住中軸呢條線，先係小時圖中軸線借力無揀錯先啦，再嚟到11點25分，連Slow STC(14.3)兩線都回到落去超賣水平，如常用返Slow STC(14.3做Swing Trade的話，(67116)可以小注出動，當係參與下今日嘅消息市。
以11點25分起見Slow STC(14.3)處於超賣位而入(67116)，如常的用10分鐘作為買貨時間，期內高低位做過0.062元/0.053元，平均買入價為0.0575元。
落場後見指數同Slow STC(14.3)兩線慢慢向上回，回至下半場依家1點35分，指數上到五分鐘圖嘅保歷加頂線，同步Slow STC(14.3)兩線亦上到超買水平，兼有開始出現觸頂走勢，(67116)應該都差不多可以完成今日嘅任務，八下依家證價做緊0.068元，即比平均買入價高10.5格或18.26%。
靜靜地咁做下Swing Trade咪幾好，係都要掟個震撼蛋出嚟炸人嘅。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
